Икона Божией Матери "Умиление"

[Вы должны быть зарегистрированы и подключены, чтобы видеть это изображение]Икона Божией Матери "Умиление" Серафимо-Дивеевская принадлежала преподобному Серафиму Саровскому, была его келейной иконой. Елеем от лампады, горевшей перед этой святой иконой, Преподобный помазывал больных, которые получали после помазания исцеление. Подвижник называл икону "Умиление" - "Всех радостей Радость", и перед ней он скончался на молитве 2 января 1833 года. После смерти преподобного Серафима Саровский настоятель о. Нифонт отдал святую икону "Всех радостей Радость" сестрам Дивеевской Серафимовской обители.

Икона Божией Матери "Умиление" Серафимо-Дивеевская находилась до революции в Троицком соборе Серафимо-Дивеевского монастыря.

Богоматерь на этой иконе изображена в полурост, с крестообразно сложенными на груди руками, без Богомладенца, в момент произнесения Ею слов Архангелу Гавриилу при Благовещении: "Се раба Господня, буди ми по глаголу твоему". Икона написана маслом на холсте, закрепленном на кипарисовой доске размером 67 х 49 см.

Елеем от лампады, горевшей перед этой святой иконой, преподобный Серафим Саровский помазывал больных, которые получали после помазания исцеление.

Подвижник назвал икону "Умиление" - "Всех радостей Радость", и перед ней он скончался на молитве 2/15 января 1833 года. Дивеевским сестрам батюшка неоднократно говорил, указывая на икону Божией Матери "Умиление": "Поручаю и оставляю вас на попечение вот этой Царицы Небесной". После смерти преподобного Серафима Саровского настоятель о. Нифонт отдал святую икону сестрам Дивеевской обители.

При первой же возможности была сделана позолоченная риза. Еще одна драгоценная риза с камнями была подарена государем Николаем II при прославлении преподобного Серафима. Нимб на этой ризе был выполнен в виде расходящихся лучей сияния, состоящих из драгоценных камней и жемчуга. С иконы было сделано множество списков, некоторые из них тоже стали чудотворными.

В 1903 г. икона "Умиление" приносилась крестным ходом из Дивеева в Саров на торжество прославления Преподобного. После закрытия монастыря в 1927 году епископ Серафим (Звездинский), архиепископ Тамбовский Зиновий (Дроздов) и игумения Александра были арестованы и отправлены в Москву.

По освобождении матушка Александра с несколькими сестрами поселилась в Муроме, сумев сберечь и увезти с собой чудотворный образ иконы Божией Матери "Умиление" вместе с остальными вещами батюшки Серафима.

После ее смерти в 1941 году образ хранила монахиня Мария (Баринова). В конце жизни она решила передать святыню патриарху Пимену, который когда-то, будучи еще иеромонахом, служил в Муроме, бывал у дивеевских сестер и прикладывался к святыням преподобного Серафима, пронеся любовь к святому старцу и Дивеевской обители через всю жизнь. Однако патриарх решил, что святыни следует отдать на хранение протоиерею Виктору Шаповальникову, жившему в подмосковном поселке Кратово.

Девятнадцать лет отец Виктор и его матушка бережно хранили вещи преподобного Серафима. Принимая приходящих к святыням, они неоднократно были свидетелями чудес и исцелений. В 1991 году икона, оклад и вещи Преподобного были переданы им Патриарху Московскому и всея Руси Алексию II.

Сейчас икона Божией Матери "Умиление", принадлежавшая батюшке Серафиму, находится у Патриарха Московского и всея Руси Алексия II. Раз в год — в праздник Похвалы Пресвятой Богородицы — она выносится на всеобщее поклонение в Патриарший Богоявленский собор в Москве.

Смоленская икона Божией Матери, именуемая «Умиление», явилась в 1103 году в Смоленске. Этот образ, сыгравший особую, вдохновляющую роль в период обороны Смоленска от польских захватчиков в начале XVII века (1609-1611 гг.), находился в лагере русских войск воеводы Шеина, в течение 18 месяцев удерживавших неприятеля от разграбления города. Список Смоленского чудотворного образа «Умиление» пребывает в настоящее время в Спасо-Окопном храме города Смоленска. В 2003 году в Смоленске торжественно отмечали 900-летие явления святого образа. Накануне праздника икона «Умиление» была доставлена в Свято-Успенский кафедральный собор, где перед ней был отслужен молебен с водосвятием. В самый праздник после Божественной литургии вокруг собора прошел многолюдный крестный ход, во время которого священники несли сразу две почитаемые Смоленские чудотворные иконы: «Одигитрию» и «Умиление», воздавая им особую почесть.

Иконографический тип «Умиление» или, по-гречески, Елеуса, восходит, по преданию, к святому апостолу и евангелисту Луке. Именно он считается автором изображений, списки с которых впоследствии распространились по всему православному миру.

Характерной особенностью этой иконографии является соприкосновение ликов Спасителя и Богородицы, которое символизирует соединенность небесного и земного, особые взаимоотношения Творца и Его творения, выраженные такой бесконечной любовью Создателя к людям, что Он отдает Сына Своего на заклание во искупление грехов человеческих.
[Вы должны быть зарегистрированы и подключены, чтобы видеть это изображение]
В Новгороде, в Троицкой церкви находится благодатная икона Божьей Матери, известная под названием “Умиление”. В 1337 г. эта икона ознаменована следующим чудом: в полдень 8 июля церковный сторож услышал шум в церкви и поспешил войти в нее. С ужасом он увидел, что находившаяся над северными дверями икона Божьей Матери, поднятая со своего места невидимою силою стояла в воздухе и слезы капали с очей Богоматери. Тот час уведомили архиепископа Алексия, и он немедленно, в сопровождении всего духовенства, крестного хода и множества народа прибыл на место чуда.

Икона была поставлена архиепископом в особо устроенном киоте и тогда же в память этого чуда установлено праздновать иконе “Умиление” 8 июля.
Рукописная церковная летопись упоминает еще о других чудесах, бывших от этой иконы. В 1337 г. в Новгороде открылось моровое поветрие. Народ обращался к Царице Небесной перед ее чудотворной иконой и поветрие прекратилось. В благодарность за чудесное покровительство Божьей Матери архиепископ Василий в 1352 г. установил ежегодно совершать крестный ход из Софийского собора в Троицкую церковь.
Приемник его, Алексий, был свидетелем нового чуда от иконы “Умиление”: летом 1366 г. Троицкая церковь загорелась, пламя охватило всю церковь, но чудотворная икона Божьей Матери явилась стоящею на воздухе над пылающею церковью. Весь народ видел это чудо и архиепископ Алексий прибыл туда с крестным ходом. Во время молебствия икона с высоты сошла на руки епископа и пожар прекратился, а на иконе остался след от него: задняя часть доски обгорела на половину аршина.

Великий князь Иоанн третий взял в 1497 г. эту икону в Москву, где она находилась до 1508 г. и потом была возвращена в Новгород, по ходатайству княгини Марии, которой во сне явилась Божья Матерь, повелевшая возвратить чудотворную икону. В 1508 г. икона “Умиление” перенесена в Троицкую церковь.

Величайший русский старец православной церкви, подвижник земли русской, Серафим Саровский, который за свою жизнь двенадцать раз удостаивался явления к нему Божьей Матери, имел в своей убогой келье только одно сокровище - один из образов иконы “Умиление”. Она сопровождала его на протяжении всего периода его подвижнической жизни, полной служения и самоотречения. Перед Ее образом он молил о защите земли русской, о спасении русского народа: ”Владычица наша, Пресвятая Богородица, спаси нас”. Тысячу дней, стоя на камне, Серафим Саровский возносил молитвы Божьей Матери. И в период его подвигов: столпничества, затворничества, молчальничества, лик Богородицы умилял и восхищал его душу. Святой называл ее “Радость всех радостей”. Елеем от лампады, горевшей перед этой святой иконой, преподобный помазывал больных, которые получали после помазания исцеление.

Перед этим чудестным образом Божьей Матери, стоя на коленях в молитве, наполненный Ее любовью, Серафим Саровский и ушел с Земли, объятый чудным светом Ее благости. После ухода святого старца настоятель отец Нифонт отдал чудесную икону сестрам Дивеевской Серафимовской обители, где она стала Верховной игуменьей монастыря. Настоятельницы монастыря назывались наместницами Верховной игуменьи.


В настоящее время эта драгоценнейшая святыня находится в Патриаршем домовом храме.

Как молиться перед иконой


О, Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде и радость в печали место даруй. И избави нас, о Госпоже Владычице Богородице, от всякаго зла, и сподоби нас, грешных рабов твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь.


Приими, всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, херувимов светлейши и серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице единому Богу и всех Создателю возсылаем, ныне и присно, и во веки веков. Аминь.




Тропарь Пресвятой Богородице перед Ея иконой, именуемой  «Умиление»

Тропарь, глас 4

К Богородице со умилением припадем, вси грехми обремененнии,  чудотворную Ея икону Умиление облобызающе и вопиюще со слезами:  Владычице, приими моление недостойных раб Твоих  и подаждь нам, просящим, велию Твою милость.



Акафист Пресвятой Богородице в честь ея иконы, именуемой  "Умиление" ("Серафимо-Дивеевская") (память 28 июля по старому стилю)

Кондак 1

Избранная от всех родов Заступнице вселенныя, похвальный глас Твоих рабов приемши, Всеблаженная, избави нас от всяких бед, да пред иконою Твоею и мы архангельский привет поем усердною душею: Радуйся, всем радостем Ты еси радость, Всеблаженная.

Икос 1

Архангел Божий Гавриил, началовождь небесных сил, предста Тебе, Отроковице, совет превечный открывая и еже "Радуйся" вещая: "Ты Мати будеши, Владычице". Тому последующе верно, дерзаем вси нелицемерно воспета радостный сей глас Тебе, молящейся о нас: Радуйся, рождшая Жизнь всем утроба; радуйся, грешнаго мира спасение. Радуйся, Сын Твой воскресе от гроба; радуйся, Евиных слез избавление. Радуйся, древняго змия поправшая; радуйся, узы греха растерзавшая. Радуйся, радость женам несказанная; радуйся, Божия милости дверь. Радуйся, ангелов песнь непрестанная; радуйся, Богу избранная Дщерь. Радуйся, твари всея ожидание; радуйся, грешником всем упование. Радуйся, всем радостем Ты еси радость, Всеблаженная.

Кондак 2

Видяще образ Твой сей Умиление, токи целебныя всем источающий, тепле к нему притекаем смиреннии, в нуждах и скорбех спасения чающе. Ты же Христа умоли, яко Мати, всяко прошение нам даровати, яко да присно Тому воспоим песнь благодарну пред образом сим: Аллилуиа.

Икос 2

Разум небесный стяжа Серафим, тяжким недугом лежа одержим; Тя бо моляше болезнь исцелити. Ты же, Благая, пришедши во сне, кротце предстала ему в тишине, отроку жизнь обещавши продлити. Темже, от смерти Тобою спасенный, сладце воспе Серафим умиленный: Радуйся, высшая неба небес; радуйся, Мати Господня святая. Радуйся, рождшая бездну чудес, радуйся, стамно щедрот всезлатая. Радуйся, Ты бо нам милость являеши; радуйся, всяку болезнь исцеляеши. Радуйся, душ и телес врачевство; радуйся, падших благое возстание. Радуйся, горних умов торжество; радуйся, грешников к небу воззвание. Радуйся, Бога за нас умоляеши; радуйся, вражию сеть сокрушаеши. Радуйся, всем радостем Ты еси радость, Всеблаженная.

Кондак 3

Силою Вышняго дивно храним, в силу от силы в душе преспеваше в юности чистей святый Серафим. В храм Пресвятыя усердно хождаше и, умиленно молитву творя, сердцем хвалу во псалмех восписуя, Бога всещедраго благодаря, присно пояше Ему: Аллилуиа.

Икос 3

Имея Тя спутницу верную в жизни, остави избранник Твой юный отчизну, в обитель Саровскую путь направляя. Слагая бо в сердце Твоя словеса, отечество мняше свое небеса, пустынных живот на земли ублажая. И, слышав: "От нашего рода есть сей", Тебе воспеваше, надежде своей: Радуйся, веры звездо путеводная; радуйся, Кормчия жизни моей. Радуйся, спутнице, к Богу доходная; радуйся, крове от бури страстей. Радуйся, к Богу бо нас управляеши; радуйся, душу спасти вразумляеши. Радуйся, правды стезе незаблудная; радуйся, мосте, горе возводяй. Радуйся, нищим Помощнице чудная; радуйся, венче, сердца веселяй. Радуйся, в Царствие нас призываеши; радуйся, двери рая отверзаеши. Радуйся, всем радостем Ты еси радость, Всеблаженная.

Кондак 4

Бури житейския скоро спасает Божия Мати вдовицу блаженную, жребий вручити ей Свой обещает, землю возделати благословенную. Темже, Пречистыя воли послушна, в путь неизвестный отходит вдовица, претерпевающи вся благодушно, дондеже в жребий святый водворится, Девы глагола в терпении ждущи, Богу же Сыну прилежно поющи: Аллилуиа.


Икос 4

Слыша вдовица глагол долгожданный, в тбнцем дремании ей провещанный: "Зде есть в Дивееве место Мое, зде есть Мой жребий четвертый избранный, зде ты положиши кости твоя, девам пристанище прежде создавши". Темже вдовица, от ложа воставши, Матери Света за радость святую светло поет похвалу таковую: Радуйся, света обитель блаженная; радуйся, Богом избранный удел. Радуйся, скиние Бога священная; радуйся, добрых сокровище дел. Радуйся, милости море безбрежное; радуйся, душ тишино безмятежная. Радуйся, вдов к чистоте окормление; радуйся, девства сосуде драгий. Радуйся, в старости сил укрепление; радуйся, в юности жезле благий. Радуйся, Дево Марие нетленная; радуйся, Господом благословенная. Радуйся, всем радостем Ты еси радость, Всеблаженная.

Кондак 5

Божией Матери гласу внимающи храм Ея имени вдова созидает; малое стадо сирот собирающи во благочестии тех возращает. Тако в Дивееве Божие семя в добрую землю вложися во время, плод же в терпении свой принесе, яко да мы от плода днесь вкушающе, Матерь Благую Творца небесе благодарим, о Ней песнь воспевающе: Аллилуиа.

Икос 5

Видивше первоначальница мати, яко обитель начат возрастати Девы Марии словес в исполнение, малое стадо свое поручает старцем Саровским и мудро вверяет паствы духовное все окормление. И, преспевающи в жизни своей, благо дарящи источник чудес Деву Марии за помощь с небес, песни слагает похвальныя Ей: Радуйся, тихая наша отрадо; радуйся, имя Тебе - Умиление. Радуйся, Мати словеснаго стада; радуйся, места сего прославление. Радуйся, нам бо покров простираеши; радуйся, нас ко Христу собираеши. Радуйся, девам Ты светлый чертог; радуйся, сирых от бед ограждаеши. Радуйся, Тя бо послушает Бог; радуйся, плачущих всех утешение. Радуйся, немощи наша терпящая; радуйся, нас во благих богатящая. Радуйся, всем радостем Ты еси радость, Всеблаженная.

Кондак 6

Бысть проповедница милости всех в своем житии Александра честная. Божие Имя всегда во устех, в сердце и мысли молитва святая. Слезныя токи Тебе, приношаше, Тя, Живоносный Источниче, чтущи, труд же дневный неустанно творяше, духом горяще и Богу поюще: Ал-лилуиа.


Икос 6


Возсиявающи свет благодати в дивном Дивееве, Божия Мати Свой омофор простирает над ним, козни врага и наветы людския, немощи духа и страсти плотския, нужды обычныя людем земным, - вся утоляет Царица благая, скоро Своим сиротам помогает. Темже, поюще Тоя чудеса, радостно рцем Ей сия словеса: Радуйся, свете спасения благостный; радуйся, чистых сердец красото. Радуйся, совести мире, всем сладостный; радуйся, духа любве широто. Радуйся, цветниче благоухающий; радуйся, жезле, враги устрашающий. Радуйся, в немо-щи помощь всесильная; радуйся, в скорби утехо с небес. Радуйся, в скудости пище обильная; радуйся, вышшая всяких словес. Радуйся, Божий бо гнев утоляеши; радуйся, милость на нас призываеши. Радуйся, всем радостем Ты еси радость, Всеблаженная.

Кондак 7

Хотящи оставити мир сей растленный, блаженная вкупе сирот собирает и Матери Бога удел, ей врученный, Пахомия старца блюсти умоляет; Пречистыя образ на перси приемлет и в руце Владычицы дух предает. Исполненный скорби Пахомий ей внемлет и песнь ей надгробную сице поет: Аллилуиа.


Икос 7

Новый Дивееву ангел-хранитель, жребия Девы и дев устроитель, послан Пречистою бысть Серафим. Купно с прехвальным Петром, с Иоанном, в келии Дева предста несказанно, светлая, с мучениц ликом святым, благоухающи миром небесным. "Дев ты Моих не остави", - вещает; помощь ему по вся дни обещает, он же приносит Ей дар свой словесный: Радуйся, славо пророков прекрасная; радуйся, крине удолий рая. Радуйся, мучениц песнь велегласная; радуйся, стершая слезы моя. Радуйся, грешных молитв не забывшая; радуйся, сирых Твоих посетившая. Радуйся, наша пред Сыном Споручнице; радуйся, с Богом принесшая мир. Радуйся, душ Жениховых Обручнице; радуйся, двернице званным на пир. Радуйся, тайны от века явление; радуйся, Дево, Тебе мое пение. Радуйся, всем радостем Ты еси радость, Всеблаженная.

Кондак 8

Странных видений причастник блаженный, благостный старец отец Серафим к сердцу приемлет завет незабвенный Девы Марии и, Ею водим, девам обитель особую строит; меру соборному храму дает, место святое канавкой обводит, паству Пречистыя верно пасет, правило жизни и чин полагает, Богу неленостно пети внушает: Аллилуиа.

Икос 8

Всецелым умом ся Христу сраспиная, блаженства рая на земли предвкушая, пояше святый, яко благ тех виновней, Марии, родившей нам Спасшаго нас, архангельский Той, еже "Радуйся", глас прилежно всегда с простотою сыновней. Тому подражая, Мариин удел доныне обходит свой древний предел, хвалу Богородице Деве поя, да радости будет причастник Тоя: Радуйся, о Богородице Дево; радуйся, рождшая Спаса Христа. Радуйся, Бога вместившая в чрево; радуйся, плод Твой - нам Путь живота. Радуйся, радостей вечных виновная; радуйся, славо и радость церковная. Радуйся, девственниц чистых венчание; радуйся, иноков Щедрая Мати. Радуйся, матерей всех величание; радуйся, доме, исполнь благодати. Радуйся, стрелы во дни угашающи; радуйся, страхи в нощи прогоняющи. Радуйся, всем радостем Ты еси радость, Всеблаженная.

Кондак 9

Всяких сил ангельских, Дево, превысшую, хвалят немолчно Тя наша сердца, светлостей солнечных истинно чистшую, Тя величает вся тварь без конца. Ты же Ходатаица за нас буди к Сыну и Богу в день страшный суда; грешных молений тогда не забуди, пети сподоби нас Богу всегда: Аллилуиа.

Икос 9

Витий многогласных не может язык воспети достойно Твой сладостный лик, о Дево и Мати Владыки небес. Даров Твоих чудных и сил умножение сердца исполняет росы умиления, дает очесем всех источники слез. Твой образ святый ее свещею горящею всегда веселяше взор старца молящаго, егда на колена склонився пред ним, усердно хваляше Тя пением сим: Радуйся, всех безнадежных надеждо; радуйся, сердцу росо умиления. Радуйся, правды лишенных одеждо; радуйся, всем нам источник спасения. Радуйся, демонский лик низлагаеши; радуйся, грозно бесам запрещаеши. Радуйся, духом унылых возстание; радуйся, палице спящим во зле. Радуйся, стропотных душ наказание; радуйся, вся бо возможна Тебе. Радуйся, в горьких работах всем сладость; радуйся, Мати, скорбящим всем радость. Радуйся, всем радостем Ты еси радость, Всеблаженная.

Кондак 10

Спасительно постными сеяв слезами, ждет в радости старец от Девы вещание: "Ты скоро, любимиче, будеши с нами". И духом покоен, в живом уповании, отход свои от мира предуготовляет. Устав свой молитвенный и наставления хранити сирот своих он поучает: от днесь вам Благая едина хранение; вы многия пестуны имате, чада, отец же не будет разве мене, на гробе моем ищите отрады, и в нуждах и в скорбех идите ко мне; и верую, даст вам Господь утешение, да присно восходит от вас Ему пение: Аллилуиа

Икос 10

Стена еси девам, Пречистая Дево, от вражиих козней, от нужды и гнева, Тебе бо вручи нас святый Серафим. И в час испытания дух наш смятенный к Тебе мы возносим в молитве смиренней: о буди помощница сирым Твоим; да весело хвалим Тя, присноблаженную, всемирную славу, хвалу неизменную: Радуйся, верных Твоих утверждение; радуйся, крепкая сирых стено. Радуйся, Церкве святыя хваление; радуйся, горним умом глубино. Радуйся, цвете наш неувядаемый; радуйся, граде, Царя прославляемый. Радуйся, лествице, к Богу возведшая; радуйся, облаче легкий Христов. Радуйся, росо руно произведшее; радуйся, всем Ты готовый покров. Радуйся, наша надеждо известная; радуйся, дев похвало неневестная. Радуйся, всем радостем Ты еси радость, Всеблаженная.

Кондак 11

Пение всякое днесь побеждается множеством благодеяний Твоих; милость Твоя на весь мир простирается, славо небесных и радость земных. Гласа бо Матери богоприятнаго Сын Твой послушает, Дево, всегда. Радость всем радостем Ты, Благодатная, - звати мы не умолчим никогда. Тако бо зваше Тебе преподобный, Богу поя, наш предстатель загробный: Аллилуиа.

Икос 11

Света открыся чертог вожделенный старцу, в молитве к Тебе восхищенну, Дево, пред образом сим Умиления. В руце пречистеи душу святую Ты восприяла еси - во иную жизнь безконечную в райских селениях. Плакаху чада, отца их лишенная, новым же знанием умиленная милости к старцу Твоей, растворяюще слезы надгробныя песнею красною, Тя величаху хвалою согласно, Матерь едину Тебе разсмотряюще: Радуйся, темныя власти стенание; радуйся, праведных душ торжество. Радуйся, вратников ада рыдание; радуйся, Тя бо поет естество. Радуйся, князя мытарств низложившая; радуйся, демонов гордость смирившая. Радуйся, имя, святым вожделенное; радуйся, в смертный помощниче час. Радуйся, радость нам неизреченная; радуйся, в час той услыши наш глас. Радуйся, наших сердец умиление; радуйся, Бога умилостивление. Радуйся, всем радостем Ты еси радость, Всеблаженная.

Кондак 12

Благодатный залог в ограждение, чадом дивеевским старец остави образ Пречистыя сей Умиления. Сам же пресветло ликуя во славе, Матерь Небесную молит усердно сирых его соблюсти милосердно, да не воздремлют уныния сном, но да, елеем свещу напояюще, внидут в чертог со своим Женихом, вечную ангелов песнь воспевающе: Аллилуиа.

Икос 12

Поем днесъ Твою Богородице, славу и милость ко грешным, на бесы державу; вси празднуем светло Твоя чудеса. Безмерно Тя всю освятив, непорочная, Бог людем постави Тя в крепость всемощную: Тебе бо внимают Того ушеса. Тобою спасаеми вси ежечасно, приносим Ти песнь таковую согласно: Радуйся, жизни сокровище вечныя; радуйся, правды ковчеже святый. Радуйся, людем хвало безконечная, радуйся, свещниче веры златый. Радуйся, Божие благоволение; радуйся, всех человеков спасение. Радуйся, мученик всех дерзновение; радуйся, песнь преподобных Твоих. Радуйся, праведных жен украшение; радуйся, краю желаний благих. Радуйся, церкве хоругвь пречестная; радуйся, грешным нам Мати благая. Радуйся, всем радостем Ты еси радость, Всеблаженная.

Кондак 13

О Мати всепетая, всем во спасение даждь, Всеблагая, сердец умиление. Да, Божиим страхом всегда ограждаемы, избегнем губительных сетей борца, и тако Твоими мольбами спасаеми, во веки восхвалим благаго Творца: Аллилуиа.

(Этот кондак читается трижды, затем икос 1 и кондак 1)

Молитва к Пресвятой Богородице перед Ея иконой, именуемой “Умиление” Псково-Печерская

О Преблагословенная Дево Богородице Владычице! Мати всех страждущих и болезнующих сердцем! Страны нашея и града Защитнице! Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями, и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи и всех в вере и надежде подвизающихся в ней. Спаси и град сей, и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческой скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогда же отступай от нас, ни в сей жизни, ни в будущей да чающе Твою всесильную Материнскую помощь, сподобимся безбедно дойти вечныя жизни и прославлять Небеснаго Отца и Сына и Святаго Духа, в Троице славимаго Бога, во веки веков. Аминь.



Акафист Пресвятой Богородице перед Ея иконой, именуемой “Умиление” Псково-Печерская

Кондак 1

Избранней Заступнице рода христианского, покрывающей и спасающей люди правоверныя, иноком благоскорбящим Подательнице вечнаго радования, благодарственныя от души восклицаем пения. Ты же, яко нарекшаяся Умиление, призри на ны милостивно и умиление нам даруй, да со дерзновением воспеваем Ти радостно: Радуйся, Всеблагая Владычице, умиление и спасение наше.

Икос 1

Ангели и Архангели и множество сил небесных немолчно восхваляют Тя, Царицу всех и Владычицу. Ты же сподобила еси и нас бренными устнами воспевати дарованную Тобою радость в явлении чудныя Твоея иконы с предвечным Младенцем. Сего ради приими от нас похвалы сия: Радуйся, Архангели певаемая; Радуйся, Ангели славословимая. Радуйся, небесными силами возносимая и окружаемая; Радуйся, слава преподобных и мученик. Радуйся, верных чад Церкви несумненное радование; Радуйся, иноком в подвизех поспешествующая и наставляющая. Радуйся, Умилением нарекшаяся; Радуйся, умиление просящим дарующая. Радуйся, единая Надеждо наша; Радуйся, Отрадо в смертный час. Радуйся, непрестанно Сына Твоего умоляющая; Радуйся, Всеблагая Владычице, умиление и спасение наше.

Кондак 2

Видяще небожители Тя, Всеблагую Матерь, непрестанно молящуюся пред Престолом Божиим за человеческий род, прославиша Господа, даровавшаго таковую Заступницу верным, хвалебною песнию: Аллилуиа.

Икос 2

Разум даровася верным, чудотворный лик Твой зрящим и чудеса Тобою изливающияся, слагати песни и пения ко прославлению имене Твоего честнаго, Всеблагословенная. Ты же милостивно приими от нас похвалы сия: Радуйся, чудо чудес православия; Радуйся, возводящая нас на небо. Радуйся, Милостивая, нас милующая; Радуйся, Своим омофором от зла покрывающая. Радуйся, Господь с Тобою и Тобою с нами; Радуйся, вся воздыхания наша милостивно приемлющая. Радуйся, в час скорби единая наша Отрада; Радуйся, грешных усердная Споручнице. Радуйся, кающихся твердый столпе; Радуйся, о падших слезы проливающая. Радуйся, защищающая сирых и вдовиц; Радуйся, Всеблагая Владычице, умиление и спасение наше.

Кондак 3

Сила Господня осени Тя и подвиже на помощь и заступление всем, к чудотворней иконе Твоей прибегающим и поклоняющимся ей. Видяще сие, людие с трепетом припадающе Ти и песнопояху Бога песнию: Аллилуиа.

Икос 3

Имущи древняя обитель Псково-Печерская Твой образ святый, Преблагословенная Богородице Дево, токи чудес источающий и обитель ограждающий от всякаго зла, исполнишася велия радости и утешения. Се бо Матерь Света крылома Своея Материнския любве ограждает ны, вопиющих умильно: Радуйся, радосте наша пресветлая; Радуйся, ликование верных сердец. Радуйся, свет нам возсиявшая; Радуйся, обитель милостию Твоею посетившая. Радуйся, в залог любве икону Твою ей даровавшая; Радуйся, тою иконою точатся исцеления. Радуйся, обитель Свою охраняющая; Радуйся, живущим в ней присная Помощнице. Радуйся, иноков Мати чадолюбивая: Радуйся, обетов иноческих страж неусыпный. Радуйся, радость всему миру носящая; Радуйся, Всеблагая Владычице, умиление и спасение наше.

Кондак 4

Бурею злочестивых нашествий одержимии, благовернии людие града Пскова, Тя чтуще и цельбоносную Твою икону “Умиление” приемши, воздвигша ту на стены града противу воев Баториевых. Ты же, чудо деюще, защитила град от смертоносных стрел вражиих, и подвиже верных пети благодарне Рожденному Тобою Богу: Аллилуиа.

Икос 4

Слышаша жителие града Пскова и всея страны Российския величие чудес Твоих, како явила еси их во испытании бывшим от воев зверонравных, прославиша Тя, великую Заступницу страждущих, пении сими: Радуйся, скорби наша на радость претворяющая; Радуйся, прибегающим к Тебе скоро помогающая. Радуйся, града Пскова ограждение; Радуйся, злую дерзость воев поправшая. Радуйся, стены града охранявшая; Радуйся, от смертоносных стрел врага покрывшая. Радуйся, теми люди Твоя возвеселившая; Радуйся, надеждою православных снабдевшая. Радуйся, крепосте наша и защищение; Радуйся, благоуханная Цевнице Небеснаго Царя. Радуйся, кроткая горлице мира; Радуйся, Всеблагая Владычице, умиление и спасение наше.

Кондак 5

Боготечную звезду, честную икону Твою, показала еси обители и веси Печерския, Владычице Мира! К нейже вернии зряще и любовию ю лобызающе, взываем: буди нам щит и ограждение, да вопием Богу: Аллилуиа.

Икос 5

Видеша ближнии и дальнии, како Твой образ святый “Умиление” точит исцеления всем немоществующим, прибегоша к Тебе в скорбех и болезнех, и никто же от Тебе тощь и неутешен отъиде, и бысть во отраду Твой образ святый. Сего ради вернии благодарне зовут: Радуйся, немощей наших отгнание; Радуйся, смертоносных язв исцеление. Радуйся, в бедах скорая Утешительнице; Радуйся, бесов Прогонительнице. Радуйся, града Печер украшение; Радуйся, обители Печерския стено и ограждение. Радуйся, иноков Небесная Игумение; Радуйся, о добродетельном житии промыслительно пекущаяся. Радуйся, в напастех стено нерушимая; Радуйся, отчаянных грешников пристань. Радуйся, недоумевающих разуме; Радуйся, Всеблагая Владычице, умиление и спасение наше.

Кондак 6

Проповедницы быта чудес от святыя иконы Твоея, Владычице, како слепии прозирают, болящии исцеления получают, вернии людие во множестве во обитель стекахуся, чающе получити милости Твоя, Всеблагая Царице небесе, лики своя со иноческими гласы совокупляху и в веселии зваху: Аллилуиа.

Икос 6

Возсиявши благодать Божественная чрез икону Твою чудотворную, Владычице, верою и любовию Тя Матерь Божию исповедующим, в нейже приемлюще и душевных недуг врачевание и к Царствию Небесному приобщение, смиренно возгласиша Ти сице: Радуйся, не тела токмо, но и души Спасительнице; Радуйся, слезы чад Своих отирающая. Радуйся, силу любве нам являющая; Радуйся, безприютных вечный чертоже. Радуйся, бездны греховныя бане; Радуйся, чаше, омывающая совесть. Радуйся, веры лучезарное сокровище; Радуйся, надежды на спасение каменю. Радуйся, адаманте Христовой любве; Радуйся, скорбящим Подательнице вечнаго радования. Радуйся, покрове чистоты и девства; Радуйся, Всеблагая Владычице, умиление и спасение наше.

Кондак 7

Хотяше оставити мир сей растленный, на святей горе боголюбезнии старцы преподобнии Марк и Иона подвизавшеся, и обитель Святыя и Пречистыя Девы создаша, преподобный же игумен Корнилий образ Владычицы ту водвори, да вернии надежную Помощницу имут и взывают согласно: Аллилуиа.

Икос 7

Новую и преславную Твою икону “Умилением” видяще, на ограждение обители Псково-Печерския предпосланную, и радующеся вельми, боголюбимии иноцы и вернии людие возопиша прилежне: Радуйся, славо пророков прекрасная; Радуйся, благодатное небо. Радуйся, в скудости пище обильная; Радуйся, духовною радостию всех питающая. Радуйся, в подвиге поста Помощнице; Радуйся, печали всякия утоляющая. Радуйся, злобныя сердца умягчающая; Радуйся, наша пред Сыном Споручнице. Радуйся, с Богом принесшая мир; Радуйся, тайны от века явление. Радуйся, цвете благоуханный девства; Радуйся, Всеблагая Владычице, умиление и спасение наше.

Кондак 8

Странное и преславное чудо бысть Твой лик, Преблагословенная, верным с иконы сияющий. Еще бо преподобный Корнилий пред образом Твоим моляся, да оградиши верных чад обители от всякаго зла, нас же научиша воспевати Всеблагому Богу, даровавшему нам Тебе, Матерь Свою: Аллилуиа.

Икос 8

Весь бе грехми отягчен и отчаян в своем житии, кающийся грешник в слезной молитве к Тебе прибеже, прося, да испросиши пред Сыном Твоим и Богом прошение грехов его, и восклицаше званьми сими: Радуйся, кающихся грешников утешение; Радуйся, и грехов прощение. Радуйся, всяку слезу отъемлющая; Радуйся, солнце, согревающее люди. Радуйся, отрада, даруемая верным; Радуйся, христиан Небесная Мати. Радуйся, нераскаянных грешников исправление; Радуйся, благоухание Небеснаго Царя. Радуйся, молитве нас научающая; Радуйся, помощь в бедах обильная. Радуйся, страх нощный прогоняющая; Радуйся, Всеблагая Владычице, умиление и спасение наше.

Кондак 9

Всяких сил Ангельских Превысшую Деву, немолчно Тя хвалят наши сердца, Тя истинно чистейшую светлостей солнечных непрестанно величают. Ты же Ходатаице о нас буди в день страшнаго суда к Сыну Твоему и Богу, воспомяни тогда грешных моления и сподоби пети Богу: Аллилуиа.

Икос 9

Витий многогласных язык не возможет воспети достойно Твой сладостный лик, о Дево и Мати Владычице, чудных Твоих даров и неизреченных красот умножение сердца исполняет умиления и дарует очесем источники слез, и подвизает вопити в сокрушении: Радуйся, сердец росо умиления; Радуйся, надеждо всех безнадежных. Радуйся, всех правды лишенных прибежище; Радуйся, демонов злых Прогонительнице. Радуйся, грозно бесам запрещаеши; Радуйся, унылых духом востание. Радуйся, яко вся возможна Тебе; Радуйся, стропотных душ вразумление. Радуйся, палице спящим сном греховным; Радуйся, сладость всем, в горьких работах сущим. Радуйся, всех скорбящих Радосте; Радуйся, Всеблагая Владычице, умиление и спасение наше.

Кондак 10

Спасти хотя верныя люди, явилась о них Предстательница пред Богом на стогнах града Пскова, милость Свою яви, икону Твою чудотворную предпостави изряднее воем Баториевым. Людие же, чудо видяще, велиим гласом пеша Тебе: “Царице моя Преблагая!” и восклицаше Богу: Аллилуиа.

Икос 10

Стена еси иноком, Пречистая Дево, от вражиих козней, от бед, скорбей и напастей, Тебе бо вручи нас преподобнии Марк, Иона и Корнилий. Бысть же ходатаицей и праведная Васса. Сего ради смятенный наш дух возносим в смиренной мольбе, взывающе: Радуйся, верных Твоих утверждение; Радуйся, чад Своих любящая. Радуйся, граде Царя, всеми прославляемый; Радуйся, Церкве Святыя похвало и радование. Радуйся, горних умов ликование; Радуйся, неверных ко Христу приводящая. Радуйся, Заступница наша усердная: Радуйся, спасающая сущих в бедах. Радуйся, нечестивых воев попрание; Радуйся, добродетельми украшенная. Радуйся, иноков ликование обильное; Радуйся, Всеблагая Владычице, умиление и спасение наше.

Кондак 11

Пение хвалебное приносяще Ти, Всепетая, неудобства всякаго избавляемся. Твой образ честный усердно целующе, молим Тя: даруй нам веру несумненную, братолюбие и мир душам нашим ниспосли, да в мире и тишине вопием: Аллилуиа.

Икос 11

Светоприемная свеща была еси, Пречистая Дево, светом небесным озаряя наш путь, и далече отступи от нас всякая неправда и беззаконие. Сего ради благодарственно вопием Ти: Радуйся, свете немеркнущий жития нашего; Радуйся, Лествице, возводящая к небесам. Радуйся, облаче всесветлый; Радуйся, скиние Небеснаго Царя. Радуйся, Рождшая Зиждителя вселенной; Радуйся, Тя бо блажат вси роди. Радуйся, воспеваемая Херувимы и Серафимы; Радуйся, дождю, орошающий благочестивыя души. Радуйся, кладезю любви и милосердия; Радуйся, грозная Отмстительнице клянущихся всуе. Радуйся, от клеветы нас избавляющая; Радуйся, Всеблагая Владычице, умиление и спасение наше.

Кондак 12

Благодать Ти дана от Господа Своим святым покровом покрывати Церковь Православную от неверия, ересей и раскола. А чад верных Церкви миром ограждати и вразумляти на добродетели, да непрестанно славят Бога песнию: Аллилуиа.

Икос 12

Поюще Тя, Дева Всепетая, и чтуще чудотворную икону Твою “Умиление”, во обители Псково-Печерстей сущую, радуемся подолгу видяще Тя, Заступницу и Помощницу усердную всем, хотящим жати спасение и воспевати на всяк день: Радуйся, Мати, Тебе мое моление; Радуйся, крине удолия рая. Радуйся, райския пищи Приемнице; Радуйся, сею пищею и нас питающая. Радуйся, иноком благоскорбящим Подательнице вечной радости; Радуйся, праведных жен украшение. Радуйся, краю благих желаний; Радуйся, мученик всех дерзновение. Радуйся, Церкве хоругвь пречестная; Радуйся, жития сокровище вечное. Радуйся, свещниче веры златый; Радуйся, Всеблагая Владычице, умиление и спасение наше.

Кондак 13

О Всепетая Мати, Царице небесе и земли! Иноков благая Вратарнице, верных покров и умиление! Нынешнее приемши пение, от всякаго избави ны злаго обстояния и не лиши ны радости Царства Небеснаго, да вопием прилежно: Аллилуиа.

(Этот кондак читается трижды, затем икос 1 и кондак 1)